JOLO, Sulu — Upang mapabuti ang kalidad ng buhay ng mga Tausug sa probinsya, sabay-sabay na ipinagkaloob ng Ministry of Human Settlement and Development (MHSD) ang P58.7 milyong halaga ng proyekto na binubuo ng tatlong (3) training centers at 50 housing units sa mga benepisyaryo nito noong Nobyembre 5, 2024.
Sa ilalim ng Transitional Development Impact Fund (TDIF) 2021 ni Member of Parliament (MP) Adzfar Usman, isang dalawang palapag na Human Development Training Center na nagkakahalagang P14,264,054.00 ang ipinagkaloob sa LGU ng Barangay Kajatian, Indanan, sa probinsya. Dagdag pa rito ay isa pang palapag na Human Development Training Center na nagkakahalaga ng P7,326,812.00 ang Ayon
Ayon kay MHSD-BARMM Director General Esmael Ebrahim na ang mga bagong ipinagkaloob na istruktura ay isang sagradong tiwala o ‘amanah’ sa mga Pilipino, na pinondohan ng kanilang mga buwis, at nangakong pananagutan sa Commission on Audit at sa Chief Minister habang tinitiyak ang patuloy na suporta para sa pag-unlad ng Bangsamoro.
“Hindi lang kami mananagutan sa mga proponent kundi pati na rin sa mga mamamayan ng Pilipinas dahil ang ‘block grant’ na ibinibigay sa BARMM ay galing sa buwis ng bawat Pilipino [at] pati na rin sa COA-BARMM [at kami ay] responsable rin sa CM,” sabi ni Director General Ebrahim.
Umaasa naman si MHSD-BARMM Technical & Regulatory Director II Suharto Wahab na sa patuloy na suporta ng Municipal Local Government of Indanan ay mapangalagaan din sa pamamagitan ng training center na ito ang mga munting pag-iisip ng mga kabataan.
“Hindi lang ito isang gusali; ito ay isang tiwala. Umaasa kami na ang lokal na pamahalaan ng Indanan ay patuloy na susuporta sa misyon ng MP na turuan at alagaan ang ating mga kabataan sa pamamagitan ng training center na ito,” sabi ni Wahab.
Bukod dito, isa pang isang palapag na Multi-Purpose Human Development Training Center na nagkakahalaga ng P8,480,547.56 sa ilalim ng TDIF 2022 ni MP Atty. Jose Lorena ang ipinagkaloob din sa Mindanao State University – Sulu sa pangunguna ni Chancellor Dr. Nagder Abdurahman.
Si MSU-Sulu OIC Chancellor Professor Rohina Adju, na kumakatawan kay Chancellor Abdurahman, ay nagpasalamat sa BARMM at MP Atty. Lorena para sa walang sawang suporta sa institusyon. Binigyang-diin din niya na ito ang pangalawang proyekto ni BTA Deputy Floor Leader MP Lorena sa Sulu.
Ipinagkaloob din sa mga benepisyaryo ang 50 housing units sa Tubig Dakulah, Indanan, na nagkakahalaga ng P32,230,000.00. Ang proyektong ito ay bilang bahagi ng pagsasaayos ng tirahan ng MHSD.
Ang 42-taong gulang na benepisyaryo na si Shelby Elias ay nagpahayag ng kanyang taos-pusong pasasalamat sa Bangsamoro Government para sa dedikasyon at kabutihang loob nito. Binigyang-diin niya na ang proyektong pabahay ng BARMM ay hindi lamang isang bahay kundi nagsisilbing pag-asa at katatagan para sa isang mas magandang kinabukasan.
Ayon sa MHSD, may kabuuang 250 housing unit ang naipamigay na sa mga benepisyaryo at 250 unit ang kasalukuyang itinatayo.
Ipinapakita ng mga proyektong ito ang pangako ng MHSD na mapabuti ang kalidad ng buhay sa Sulu na naaayon sa mga layunin ng na itaguyod ang pag-unlad ng ekonomiya. Sa pamamagitan ng pagbibigay ng mga training facility at pabahay, ang MHSD ay handa nang magkaroon ng pangmatagalang kaunlaran sa rehiyon. (Alline Jamar Undikan/BIO)
